Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

458 rageten sî im her vür,
      lanc, scharpf, grôz, breit.
      im was daz houbet geleit
      daz im sîn rûhez kinnebein
      gewahsen zuo den brüsten schein.
463 sîn rücke was im ûf gezogen,
      hoveroht und ûz gebogen.
      er truoc an seltsæniu cleit:
      zwô hiute het er an geleit:
      die heter in niuwen stunden
468 zwein tieren abe geschunden.
      er truoc einn kolben alsô grôz
      daz mich dâ bî im verdrôz.
       Dô ich im alsô nâhen kam
      daz er mîn wol war genam,
473 zehant sach ich in ûf stân
      unde nâhen zuo mir gân.
      weder wider mich sîn muot
      wære übel ode guot,
      desn weste ich niht die wârheit,
478 und was iedoch ze wer bereit.
[ zurück ]